આજે ઝડપી પવન સાથે ધોધમાર વરસાદ ની આગાહી,આ જિલ્લાઓ માં એલર્ટ..

હજુ વરસાદ ગયો એવું ના સમજતા વરસાદને લઈને દક્ષિણ ગુજરાતમાંથે આગામી 24 કલાકમાં ભારે હોય તેવું હવામાન વિભાગ દ્વારા જણાવાયું છે. આજે 24 કલાક દક્ષિણ ગુજરાતમાં ભારેથી અતિભારે વરસાદની આગાહી કરાઈ છ.

અને સાથે પવન ની પણ આગાહી કરવામાં આવી છે.બીજી બાજુ સૌરાષ્ટ્રના વિસ્તારોમાં ક્યાંક ભારે તો ક્યાંક સામાન્ય વરસાદની આગાહી અને અમદાવાદ ગાંધીનગરમા પણ છુટ્ટા છવાયા વરસાદની આગાહી કરવામાં આવી છે.

ગુજરાતના વાતાવરણમાં એકાએક પલટો આવતા હવામાન વિભાગ દ્વારા વરસાદ અંગે વધુ એક નવી આગાહી કરવામાં આવી છે. હવામાન વિભાગના સત્તાવાર અધિકારીઓ પાસેથી જાણવા મળતી વિગત અનુસાર આજે વલસાડ, નવસારી, દમણ અને દાદરા નગર હવેલીમાં અતિભાર વરસાદની સંભાવના જોવા મળી રહી છે.

વધુમાં આજે તા. 28 જુલાઈના રોજ સાબરકાંઠા અને અરવલ્લી તથા સૌરાષ્ટ્રના જૂનાગઢ, અમરેલી અને ભાવનગરમાં પણ મેઘાડંબર જોવા મળશે. આવતીકાલે દક્ષિણ ગુજરાતના કેટલાક જિલ્લામાં અતિભારે વરસાદ પડશે.

આગામી 5 દિવસ માછીમારોને દરિયો ન ખેડવા સૂચનાઆજે ગાજવીજ અને તોફાની પવન સાથે નવસારી, વલસાડ, દમણ, સુરત, ડાંગ અને તાપી જિલ્લામાં વરસાદની શક્યતાને લઈને આગામી 5 દિવસ માછીમારોને પણ સલામતીના ભાગરૂપે દરિયો ન ખેડવા સૂચના આપી દેવામાં આવી છે.

સાથે સાથે દરિયાકાંઠા વિસ્તારોમાં 45થી 60 કિ.મી. પ્રતિ કલાકની ઝડપે પવન ફૂંકાંઈ તેવું પણ હવામાન વિભાગ દ્વારા જણાવાયું છે. તો.અમદાવાદ અને ગાંધીનગરમાં છૂટા છવાયા વરસાદની શકયતા રહેલી છે.

માત્ર દક્ષિણ ગુજરાતના જિલ્લાઓમાં યલો એલર્ટ આપવામાં આવ્યું છે. હવામાન વિભાગના આંકડા પર નજર કરીએ તો, છેલ્લા 24 કલાકમાં રાજ્યના 90 તાલુકામાં વરસાદ નોંધાયો છે. જેમાં સૌથી વધુ વલસાડના કપરાડામાં પોણા પાંચ ઈંચ વરસાદ અને જામનગરના લાલપુરમાં પોણા ચાર ઈંચ નોંધાયો છે.

હવામાન નિષ્ણાત અંબાલાલ પટેલ દ્વારા ગુજરાતમાં ભારે વરસાદની સંભાવના જુલાઈના અંત માટે વ્યક્ત કરીને તેમણે ઓગસ્ટની શરુઆતમાં હવામાન કેવું રહેશે અને કેવો વરસાદ થવાની શક્યતાઓ છે તે પણ કહ્યું છે. અંબાલાલ પટેલ જણાવે છે કે, લો પ્રેશર બનશે અને ટ્રોપિકલ સ્ટોર્મની અસર જોવા મળશે.

ઓગસ્ટની 2, 3 અને 4 તારીખ દરમિયાન ભારે વરસાદ થવાની સંભાવનાઓ છે. ઉત્તર ગુજરાત, મધ્ય ગુજરાત, દક્ષિણ ગુજરાત તથા સૌરાષ્ટ્રના ભાગોમાં વરસાદ થવાની સંભાવના રહેલી છે.